Monday, July 04, 2005
THE MP GATHERING
Warning: If you don't understand Bisaya, don't ever dare reading after this line.Pahibalo: Kung dili ka kahibalo ug binisaya, ayaw na ug pamugas. Dili gyud ka makasabot!!!
Kini nga entry akong ipahinungod sa akong mga higala sa MP nga misalmot adtong EB ilang Kuya Sagi: Montroy, Eric, Pyre, Linus, Madam MBN ug Sagi. Kini sila ang akong mga higala nako sa kahanginan. Naila-ila nako ni silang tanan pinaagi sa usa ka Bisaya Yahoogroup nga panglalaki (pero naay usa ka member nga 100% biologically babayi).
Nagsabot mi ni Eric nga magkita sa Jollibee Boni alas singko y medya ang takna sa hapon. Wala damha nga maulahi ko sa sabot kay taga Boni man ko. Apan wala gyud nako mapugngan ang akong pagkakatulgon kay gakudaay na man gyud ako mata, busa natulog ko mga alas kwatro. Pagmata nako, nilapas na man diay ang 5:30. Hahaha! Namuti na ang mata ni Eric ug Kuya Mon ug hinulat sa Jollibee. Dali-dali gyud ko ug ligo adto uy. Wala nay lugod-lugod pa, basta lang makasabo payts na. Dili na man kinahanglan magshampoo ang WAPO (opaw ba sa binali). Pag-abot nako sa Jollibee, naa na si Kuya Mon ug Eric nagtabi-tabi sila didto. Maayo na lang kay dili ako ang pinakaulahi miabot kay gihulat pa sad diay si Pyre. Samtang naghulat nga moabot ang maanyag nga si Pyre, sige ug text si Nigel sa akoa kung asa na daw mi ug unsa na amo gibuhat. Si Nigel diay kay kauban gihapon namo sa group pero dili man siya kauban sa maon EB busa mangutanahay na lang siya sa akoa. Hulat gihapon mi kang Pyre, murag namuti na gyud ang kalimutaw ni Eric kay isang oras na hulat nila sa Jollibee. Ingon dayon si Eric, "kung dili pa moabot si Pyre mga alas diyes, molakaw na ta ha". Hahaha!!! Hay salamat sa Diyos, kay giabot ra gyud si Pyre mga alas sais medya. Ambot nganong nadugay pud to si Pyre. Basig natraffic ang MRT nga iyang gisakyan. hahaha!
Nagtext dayon ko kang Kuya Sagi nga pasakay na mi sa MRT. Pagsulod namo sa istasyon nag-una na si Kuya Mon kay naa na man siya prepaid ticket, suki man siya sa MRT gud. Didto mi gipwesto sa atubangan dapit para gamay ra tao. Pagsulod namo sa train, dili man kaayo guot pero puno-puno. Mao pa ni Kuya Mon, maayo unta tong guot kaayo kay magbag-id bag-id ang mga panit ug mga unsa pa diha. Ingon pud si Kuya Mon nga naa daw siya mahinumduman nga kaagi ni Nigel anang mga lamian nga panghitabo mintras mosakay ka sa train nga guot gyud kaayo.
Pagnaog namo sa Cubao nagbalhin dayon mi sa LRT line 2. Miagi mi sa Gateway Mall nga pwerteng kanindot ug bugnaw kaayo. Si Pyre kay murag nasaag sa Manila, kung biyaan nimo siya ra usa kay mawala gyud siya sa lugar. Sakay na pud mi ug train paingon Katipunan kay didto man ang sabot ni Kuya Sagi nga kuhaon mi. Maayo na lang kay sweto ko sa Katipunan kay kung dili, di ra tanto nga nawala mi. Pag-abot na sa Starbucks Katipunan, nakita dayon nako ang kaanyag ni MADAM MBN. Diri gyud mabalibaran iyang presensya kay mag-amag man gyud, murag bag glow in the dark. Mogawas gyud ang iyang katahom. Ila-ila dayon namo si Kuya Sagi kay wala pa man namo siya nailhan sa grupo. Gikan pa man gud siya sa laing nasod. Hala, sakay dayon sa Starrex paingon sa balay ni Kuya Sagi.
Pag-abot namo sa balay, aysus, murag palasyo!!!! Puro mga glass ang decorations. Hadlok magkiat-kiat kay makabuak unya. Nah, dili ra igo ang ikabayad. Didto mi nanglingkod sa veranda overlooking some parts of Marikina.
Sugod na dayon kaon namo. Lami kaayo ang sinugba nga baboy ug pusit uy. Naa puy pansit ug sampayna/dinuguan. Siyempre, dili gyud mawala ang beer ug ilimnon, vodka and tequila. Banat gyud ug kaon intawon kay gipang-gutom man mi. Ug usa pa, libre tong kaon. Lami man gyud ang libre bisag unsaon. Hahaha!!!
Mintras nagkaon mo, nanawag si Nigel nako ug nangumusta. Giistorya pud si Mon, si Eric ug si Sagi. Kuba-kuba pud akong dughan kay si Nigel man ang nanawag. Hahaha!
Miapas dayon si Linus kay eskwela pa man siya. Si Linus, nagdala-dala pa ug pwerteng dakoang bag murag mosaka ug bukid.
Pila ka minuto human miabot si Linus, nanawag na pud si Nigel sa akoa. Ingon niya nga naa daw siya sa ilang balay. Ug iya dayon giistorya si Linus, murag ilang gisabutan nga bantayan daw ko kay giingnan ko ni Linus nga siya daw bantay nako adtong gabhinua.
Human namo kaon kay istoryra-istorya ang bisag unsa nga mahisgutan namo. After pila ka oras kay nangabot man to kuaban nila Kuya Sagi sa laing grupo, sila na pud ang gikaon. Kami misulod mi sa balay para magvideoke. Banat dayon ug kanta si Kuya Mon. Siya gyud ang opening number singing a Martin Nievera song. Paulahi pud lugar diay ko? Kanta pud ko sa akong national anthem na KAHIT ISANG SAGLIT. Si Eric dili palupig, bangka pud siya ug iyang kanta murag isa gyud to ka CD iyang gihurot ug kanta. Si Linus grabe ang shagit para mokanta. Si Pyre kay medyo behave pero kanta gihapon siya. Pakodak sad lugar mi mintras naglingaw-lingaw ug kanta. Daw be kay nakita man nako ang ARAY nga kanta. Aguuuyyy, pwerte ra ba gyud ko mokanta anang mga kiat-kiat ug uwag-uwag with matching bawog-bawog sa tingog ug biad sa lawas. Lupig gyud si Mae Rivera nako. Wala siyay ikabuga sa akong performance sa ARAY.
Sa gawas, daghan na nangabot nga laing mga amigo nila Kuya Sagi. Si Linus tua miapil sa ilang grupo. Si Mon ug Eric nagpabilin ra sa sulod kay namugas ug kanta. Ako ug si Pyre nag-guitar sa gawas, didto sa lutuan dapit.
Gikalit dayon ug ulan ug kusog, bisag gusto na namo mouli dili gyud makauli kay gibundak man ang ulan. Sudlonon pa gyud ang balay ni Kuya Sagi busa naghulat mi didto nga moabot ang taxi nga gipatawag. Alas tres na sa kadlawon mi nakauli. Kahulugon na kaayo ang akong mata tungod kaduka na gyud ko.
Ninaog si Linus sa Crame ug human kami ni Pyre sa Boni. Si Mon and Eric na lang ang nabilin sa taxi, ambot kung asa to sila gipaingon. hahaha!
Niabot ko sa akong balay mga alas kwatro na to. Nagtext dayon ko kanilang tanan na giabot na ko sa akong balay. Nagpahibalo dayon ko kang Nigel through text nga nakauli na ko gikan sa party. Nanghilam-os, nagbrush, nag-ilis... tulog na dayon diretso. Ning mata ko alas dos sa na sa hapon.
Lingaw kaayo ang EB. Hinaut nga dili masumham si Kuya Sagi ug invite namo.
Till the next EB mga higalang BISDAK!!!!
Bai Jor,
Thanks for sharing with me your innermost thoughts and top secrets.
I felt special to you too..
Pero naay kulang sa imo sulat sa last eb kina sagi... remeber what sagi have offered you. buwahahahaha
Thanks again.
speaks
5:21 PM
waaaaah! lisod kaayo basahun...
Markus Ezekiel Caidoy speaks
8:12 AM
hala, ngano man wa ni nimo gi-post sa MP?
nya, kinsa tong nag-comment nga "i felt special to you too..."? nyahahahaha!!! anonymous man. hmmm... naintriga ko.
miki ;p
